ଅପେକ୍ଷା - ସର୍ବେଶ୍ଵର ସାହୁ

"ଚାନ୍ଦିନୀ ରାତିରେ ଜହ୍ନ ଉଇଁଗଲେ .......

           ତୁମ କଥା ମନେ ପଡେ"; 

"ଅପେକ୍ଷା ତୁମର କଷ୍ଟ ଦିଏ ଯେବେ ........

           ସ୍ମୃତି ତୁମ ମନେ ପଡେ"।। 

"କ୍ଷଣ ପରେ କ୍ଷଣ ଘଡି ପରେ ଘଡି .........

             ଗଲାଣି ବରଷେ ମାସ";

"ତଥାପି କେଜାଣି ତୁମ ଫେରିବାର .......

              ମନେ ଅଛି ଅଭିଳାଷ"।। 

"ପ୍ରଥମ ଦେଖାରେ କରିଥିଲ ଯାଦୁ ......... 

             ଯାହାକୁ ମୁଁ ଭୁଲିନାହିଁ"; 

"ଆଜି ଯେବେ ଭାବେ ସେଇ ସ୍ମୃତିକୁ ମୋ .......

          ସମୟ ଶତ୍ରୁ ସାଜଇ"।।

"ଆଉ କାହା ସାଥେ ଖୁସିରେ ରହିଛ .......

           ବୋଧେ ମୋ ପ୍ରେମକୁ ଭୁଲି";

"କେମିତି ସହିବି ମୋ ଭାଗ୍ୟର ଖୁସି .........

            ମୋ ଭାଗେ ନାହିଁ ବୋଲି"।। 

"ଭଲପାଇଥିଲି ହୃଦୟ ମୋ ଦେଇ .......... 

               ତୁମକୁ ନିଜର ଭାବି";

"କେଉଁ ଭୁଲ୍ ପାଇଁ ହେଲ ସ୍ବାର୍ଥପର .........

                ଭୁଲି ମୋର ପ୍ରତିଛବି"।। 

"ଋତୁଟିଏ ପରି ବଦଳି ଯେ ଗଲ .........

                ଥରୁଟେ ନ ଚାହିଁ ମତେ";

"ଭଲପାଇବାର ପ୍ରତିରୂପେ କାହିଁ ..........

                ଛଳନା କଲ ମୋ ସାଥେ"।।

"ଭଲ ଅଭିନୟ କରୁଥିଲ ସାଥୀ ...........

              ମିଠା ମିଠା କଥା କହି";

"ପାଣି ଛିଞ୍ଚି ଦେଇ ଚେର କାଟିଦେଲ .......

              ମରିଗଲି ଆଜି ମୁହିଁ"।।

"ଆଖିରେ ଆଖିଏ ଲୁହ ଆଜି ମୋର ........

           ମନରେ ହଜାରେ କୋହ"; 

"ପ୍ରତାରଣା ତୁମ ହୃଦୟ ମୋ ଭାଙ୍ଗି ........

           କରିଛି ମତେ ଅଥୟ"।।

"ଧନ୍ୟବାଦ ଦେବି ତୁମକୁ ହେ ସାଥି .........

              ମୋର ଦୋଷ ତ୍ରୁଟି ପାଇଁ"; 

"ଭାଗ୍ୟବତୀ ହୁଅ ତୁମ ସଂସାରରେ .......

              ହସ ଖୁସି ମୋର ନେଇ"।।

"ସତ କହିଛନ୍ତି ଜ୍ଞାନୀ ଗୁଣି ଲୋକ ........

            ପ୍ରେମଯେ କରନା କେହି";

"ବସନ୍ତର ଋତୁ ଫିକା ଫିକା ଲାଗେ .......

            ଯେବେ ଯାଏ ପ୍ରେମ ହୋଇ"।।

"ଜାଣିଥିଲି ଦିନେ ପ୍ରେମରେ ପଡିଲେ .......

              ଲୁହରେ ଭିଜିବ ଆଖି";

"ପ୍ରମାଣର ରୂପ ଦେଖେ ଆଇନାରେ ........

               ଅତୀତକୁ ସାକ୍ଷୀ ରଖି"।। 

"ଏତିକି ଏବେ ମୁଁ ବୁଝିସାରିଲିଣି .......

            ସମୟ ସ୍ରୋତରେ ହାରି";

"ଆଉ ଫେରିବନି ତୁମେ ମୋ ଜୀବନେ ........

            ଯଦିବି ମୁଁ  ଯାଏ ମରି"।।

"ତିଳ ତିଳ କରି ହାରୁଛି ଜୀବନେ ........

          ସଖି ଖାଲି ତୁମ ପାଇଁ"; 

"ଯନ୍ତ୍ରଣା ଜୁଇରେ ହୃଦୟ କାନ୍ଦୁଛି ......... 

         ଆଖି ଲୁହ ଓଠ ପିଇ"।।

"ସତରେ ଅପେକ୍ଷା ଭାରି କଷ୍ଟ ଦିଏ .........

               ଜାଣି ଗଲି ଏଇ କଥା";

"ମହିମା ପ୍ରେମର ବୁଝିଗଲି ଏବେ ........ 

                ଓଠ ପାଳେ ସତର୍କତା"।।

 ସର୍ବେଶ୍ବର ସାହୁ

ଧାମନଗର-ଭଦ୍ରକ-ଓଡିଶା